Investigation of 9p21.3 region in African Tanzaniancoronary artery disease patients
Başlık çevirisi mevcut değil.
- Tez No: 760681
- Danışmanlar: DOÇ. DR. FATMAHAN ATALAR
- Tez Türü: Doktora
- Konular: Biyokimya, Biochemistry
- Anahtar Kelimeler: Belirtilmemiş.
- Yıl: 2020
- Dil: İngilizce
- Üniversite: The Muhimbili University of Health and Allied Sciences Upanga Dar es Salaam
- Enstitü: Yurtdışı Enstitü
- Ana Bilim Dalı: Belirtilmemiş.
- Bilim Dalı: Belirtilmemiş.
- Sayfa Sayısı: 226
Özet
Özet yok.
Özet (Çeviri)
Ugonjwa wa kuziba kwa mishipa ya damu ya moyo (Coronary artery disease [CAD]) unafahamika kuwa chanzo kikubwa cha vifo duniani na unakua kwa kasi katika nchi zinazoendelea. Ukubwa wa tatizo la huu ugonjwa wa moyo na idadi ya vifo vinavyotokana nao vinaongezeka kwa kasi katika nchi zinazoendelea zilizoko kusini mwa jangwa la Sahara. Tanzania kama nchi nyingine zilizoko kusini mwa jangwa la Sahara inakumbwa na mzigo mkubwa wa ugojwa wa CAD ambao ni wa nne kati ya magojwa yanayoongoza kuua baada ya magonjwa ya kuambukiza. Ugonjwa huu wa CAD hutokana na mwingiliano kati ya vichocheo hatarishi vilivyopo kwenye mazingira na asili ya vinasaba inayorithiwa na mtu kutoka kwa wazazi. Asilimia kati ya 40 mpaka 50 ya hatari ya kupata CAD inachangiwa na asili ya vinasaba inayorithiwa. Hii inaonyesha urithi kuwa na mchango sawa au zaidi ya mchango unaotokana na vichocheo hatarishii vingine katika mazingira (k.v. mafuta yasiyo ya kawaida mwilini, kuvuta sigara, shinikizo kubwa la damu, kisukari, na kitambi). Ufahamu kuhusu asili zipi za vinasaba zinazohusishwa na ugonjwa wa CAD unaweza saidia kuchuguza na kutambua watu wenye hatari asilia ya kupata ugonjwa huu kabla haujajitokeza. Sehemu ya vinasaba iitwayo 9p21.3 ilikuwa ya kwanza kuhusishwa na ugonjwa wa CAD kwa kutumia utalaamu unaohusisha maeneo mbalimbali ya seti nzima ya vinasaba na magonjwa au sifa husika. Utaalamu huu unaoitwa Genome Wide Association Studies (GWAS). Mabadiliko madogo kwenye asili ya vinasaba katika vijieneo mbalimbali vya sehemu hii (Single Nucleotide Polymorphism [SNP]) hutofautiana baina ya watu. Lakini, namna halisi inavyopelekea kupata CAD bado haifahamiki vizuri. Changamoto iliyoko kwa sasa ni kufahamu zaidi njia za kibaiolojia zinazopelekea eneo hili kusababisha CAD. Ili kutambua namna halisi sehemu hii inavyofanya kazi na kupelekea kupata CAD, asili ya vinasaba vilivyoko kwenye sehemu ya 9p21.3 vinavyosababisha CAD inabidi vitambuliwe kwanza. Hivyo basi, kutabainisha asili ya vinasaba vya sehemu 9p21.3 vinavyoambatana na CAD, na athari zake katika jeni zilizoko jirani inaweza saidia kutambua njia za kibaiolojia zinazopelekea kwenye CAD na hii inaweza saidia katika utengenezaji dawa zinazolenga njia husika. Kwa sababu hii, tafiti nyingi zaidi zinalazimika kufanyika ili kuweza tambua namna halisi sehemu 9p21.3 inavyohusiana na ugonjwa wa CAD. Katika utafiti huu, tulitumia taarifa zilizotokana na uchuzi wa GWAS kuchunguza kama asili ya vinasaba (rs1333049, rs2383207, rs2383206, rs10757274, rs10757278, na rs10811656) ilizoko sehemu 9p21.3 inahusiana na hatari ya kupata ugonjwa wa CAD katika jamii ya watanzania. Pia, ili kutambua jeni ziliko jirani na eneo hili zinazopelekea kuwa kwenye hatari ya kupata ugonjwa huu na uhusiano wake na asili ya vinasaba vilivyoko eneo 9p21.3, tulichunguza uzalishaji wa RNA jumbe iii (mRNA) zinazozalishwa na jeni jirani nne (CDKN2A, CDKN2B, MTAP na ANRIL) kwenye tishu za moyo, maeneo ya kifuani, ngozi na damu. Matokeo ya kidemografia ya utafiti wetu yanaonesha kuwa watu waishio mijini wana hatari zaidi kupata ugonjwa wa CAD. Uchunguzaji wa kijenetikia ulionyesha kwamba mabadiliko madogo kwenye asili hizi za vinasaba zilizoko sehemu 9p21.3 (rs1333049, rs2383207, rs2383206, rs10757274, rs10757278, na rs10811656) yanaambatana na ugonjwa wa CAD. Uchambuzi wa kitakwimu zaidi ulionyesha kwamba mabadiliko madogo kwenye asili hizi za vina saba (rs1333049, rs10757278 na rs10811656) yanaambatana na ukubwa/ukali wa ugonjwa. Pia, mlolongo wa asili hizi; GGGTGC ulipatikana kwa wingi zaidi katika wagonjwa wa CAD ukilinganisha na wale ambao sio wagonjwa, na pia ulikuwa unahusiana na hatari ya kupata ugonjwa wa CAD. Zaidi ya hapo, utafiti wetu unaonyesha kwamba uzalishaji zaidi wa mRNA aina ya ANRIL na uzalishaji hafifu wa mRNA aina ya circANRIL iliyoko kwenye damu vilikuwa vinaambatana na CAD. Lakini pia uzalishaji wa mRNA aina ya circANRIL ilihusishwa na ukubwa wa tatizo la ugonjwa. Baada ya hapo, tuliangalia athari ya asili za vinasaba hatarishi kwa CAD kwenye kuratibu uzalishaji wa mRNA za jeni jirani. Katika watu waliokuwa na asili hatarishi ya rs10757278 na rs10811656, uzalishaji wa mRNA ya jeni ANRIL na aina zake (NR003529 na EU741058) zilionekana kuongezeka katika damu na tishu za moyo. Ila uzalishaji wa mRNA aina ya circANRIL katika damu ulipungua katika watu waliokuwa na asili hatarishi ya vinasaba rs10757278 na rs10811656 ukilinganisha na watu waliokuwa na asili ya kawaida (wild type) katika maeneo hayo. Vile vile tuliona kwamba, uzalishaji wa mRNA aina ya ANRIL ulikuwa juu wakati uzalishaji wa mRNA aina ya circANRIL ukiwa chini katika wagonjwa waliokuwa na muunganiko wa asili ya vinasaba hatarishi GGGG. Matokeo ya kipekee ya utafiti huu yanaonyesha kwamba asili za vinasaba zilizochunguzwa pamoja na visabishi hatarishi (kama vile uzito, mafuta yasiyo ya kawaida mwilini, kiasi cha sukari na shinikizo la damu) na uzalishaji wa mRNA aina ya circANRIL katika damu kwa pamoja vinaweza kuwa viashiria vya utambuzi wa ugonjwa wa CAD katika jamii ya watanzania. Utafiti wetu unatupelekea kuhitimisha kwamba wakati uzalishaji wa mRNA aina ya ANRIL uliambatana na uwepo wa CAD, mRNA aina ya circANRIL inaonekana kuhusika na kinga dhidi ya CAD katika jamii ya watanzania. Hii inaonyesha kwamba ANRIL ina athari pinzani dhidi ya circANRIL katika ukuaji wa CAD. Utafiti huu unatuonyesha kwamba asili za vinasba hatarishi na uzalishaji wa mRNA aina ya circANRIL vinaweza kutumika katika utambuzi wa mapema wa CAD kwa watanzania. Kazi hii ya shahada ya uzamivu inaonyesha umuhimu wa kufanya uchunguzi zaidi wa sehemu 9p21.3 ya vinasaba na athari yake kwenye jeni zilizoko jirani ili iv kutambua namna asili husika za eneo hilo zinavyoongeza hatari ya kupata CAD. Utafiti kama huu unaweza changia katika kufanikisha uchunguzaji na uzuiaji wa ugonjwa wa CAD wakati ugonjwa ukiwa bado katika hatua za mwanzoni katika jamii ya watanzania na wanaoishi kusini mwa jangwa la Sahara kwa ujumla.
Benzer Tezler
- Bumetanid'in voltametrik yöntemle elektroanalitik davranışının incelenmesi
Investigation of electroanalytical behaviour of Bumetanide by voltammetry
ZERRİN ACAR
Yüksek Lisans
Türkçe
1998
Eczacılık ve FarmakolojiAnkara ÜniversitesiAnalitik Kimya Ana Bilim Dalı
PROF. DR. ZÜHRE ŞENTÜRK
- Düşük düzeyde kurşun maruziyetinde bazı biyokimyasal parametrelerin araştırılması
Investigation of some biochemical parameters in low level lead exposure
NURAY TÜMTÜRK
Doktora
Türkçe
1998
Eczacılık ve FarmakolojiAnkara ÜniversitesiFarmasötik Toksikoloji Ana Bilim Dalı
PROF. DR. GÜLİN GÜVENDİK
- İshalli buzağılarda böbrek fonksiyon bozukluklarının incelenmesi ve sıvı sağaltım uygulamalarının etkinliği
Investigation of renal dysfunction in calves with diarrhoea and the effectivenes of an applied fluid therapy
BÜLENT ULUTAŞ
Doktora
Türkçe
1998
Veteriner HekimliğiAnkara Üniversitesiİç Hastalıkları Ana Bilim Dalı
PROF. DR. MEHMET ŞAHAL
- Tip I diabet hastalarının öz bakım gücünün incelenmesi
Investigation of the self-care capacity among patients with type I diabetes
S. BELGÜZAR KARA
Yüksek Lisans
Türkçe
1999
HemşirelikHacettepe ÜniversitesiHemşirelik Ana Bilim Dalı
YRD. DOÇ. DR. HATİCE FESÇİ
- Musculi infrahyoidei ile ilgili arterlerin dağılımı, bu dağılıma göre kasların sınıflanması ve klinikte kas flebi olarak kullanılabilirliğinin araştırılması
Investigation of distribution, classification of the vascular pedicles of the infrahyoid muscles and employment of these muscles asa muscle flap inclinics
GÖKHAN GÖRMÜŞ
Doktora
Türkçe
1999
MorfolojiHacettepe ÜniversitesiAnatomi Ana Bilim Dalı
PROF. DR. DOĞAN AKŞİT
DOÇ. DR. H. HAMDİ ÇELİK